ଅନନ୍ତ ଶୟନରେ ପ୍ରଭୁ ବିଷ୍ଣୁ ଆଉ ତାଙ୍କ ଚାରି ହାତରେ ଶୋଭା ପାଉଛି ଶଙ୍ଖ, ଚକ୍ର, ଗଦା ଓ ପଦ୍ମ । ଏହାସହ ମୁଣ୍ଡରେ ମୁକୁଟ ପରି ଘେରି ରହିଛି ଅନନ୍ତ ସର୍ପ । ଢେଙ୍କାନାଳର କରଜଙ୍ଗ ବ୍ଲକ ସରଙ୍ଗା ଗ୍ରାମସ୍ଥିତ ବ୍ରାହ୍ମଣୀ ନଦୀର ଗର୍ଭରେ ରହିଛି ଏହି ଐତିହ୍ୟ ସମ୍ପନ୍ନ ବା ଭଗବାନ ବିଷ୍ଣୁଙ୍କ ଅନନ୍ତ ଶୟନ ମୂର୍ତ୍ତି । କିନ୍ତୁ ରକ୍ଷଣାବେକ୍ଷଣା ଅଭାବରୁ ଏହି ବିଶାଳ ମୂର୍ତ୍ତି ଦିନକୁ ଦିନ ଲୀନ ହେବାର ଆଶଙ୍କା କରୁଛନ୍ତି ଲୋକେ । ସାତ ଏକର ତେର ଡେସିମିଲ ଜାଗାରେ ନିର୍ମାଣ ହୋଇଥିବା ଏହି ପୀଠର ଦାୟିତ୍ଵ ନେଇଥିଲା ପ୍ରତ୍ନତତ୍ତ୍ଵ ବିଭାଗ ।
କିନ୍ତୁ କେବଳ ଲୁହାର ବାଡ ଦେଇ ନିଜ କାମ ସାରି ଦେଇଥିବା ଅଭିଯୋଗ ହୋଇଛି । ଏହି ଭିଡିଓରେ ଆପଣ ଲୁହା ବାଡର ସ୍ଥିତି ଦେଖି ପାରୁଥିବେ, ତାହା କିପରି ଭାଙ୍ଗିରୁଜି ବଙ୍କା ହୋଇପଡିଛି । ତେବେ ବର୍ତ୍ତମାନ ଏହି ପୀଠର ସୁରକ୍ଷା ପାଇଁ ଦାବି କରିଛନ୍ତି ସରଙ୍ଗା ବାସିନ୍ଦା । ଭଗବାନ ବିଷ୍ଣୁଙ୍କର ଏହି ଅନନ୍ତ ଶୟନ ମୂର୍ତ୍ତିକୁ ନେଇ ରହିଛି ଅନେକ କିମ୍ବଦନ୍ତୀ ଓ ଇତିହାସ । ୫୧ ଫୁଟ ଲ୍ଯାମ୍ବ ଓ ୨୩ ଫୁଟ ଓସାରର କେହି ତିଆରି କରି ନଥିବା କଥା ଶୁଣିବାକୁ ମିଳେ ।
ନବମ ଶତାବ୍ଦୀରେ ଏହି ବିଶାଳ ମୂର୍ତ୍ତିଟି ନଦୀର ଜଳସ୍ରୋତରେ ଆପେ ଆପେ ତିଆରି ହୋଇ ଯାଇଛି ବୋଲି କିମ୍ବଦନ୍ତୀ ରହିଛି । ବ୍ରାହ୍ମଣୀ ନଦୀ ଗର୍ଭରେ ବାଲିରେ ପୋତି ହୋଇ ରହିଥିବା ଏହି ମୂର୍ତ୍ତି ଦ୍ଵାଦଶ ଶତାବ୍ଦୀରେ ଲୋକଲୋଚନକୁ ଆସିଥିବା ଶୁଣିବାକୁ ମିଳେ । ପୂର୍ବରୁ ଏହି ପୀଠକୁ ହଜାର ହଜାର ପର୍ଯ୍ୟଟକ ଆସୁଥିବା ବେଳେ ଏବେ ସେଠାରେ ଆଉ ସେତେ ଗହଳି ଦେଖିବାକୁ ମିଳୁନାହିଁ ।
ପ୍ରତ୍ନତତ୍ତ୍ଵ ବିଭାଗ ପ୍ରାୟ ଦୁଇ ବର୍ଷ ତଳେ ଏହି ପୀଠର ଦାୟିତ୍ଵ ନେଇଥିଲେ । ସେଠାରେ ସେମାନେ ଯେଉଁ ଲୁହାର ବାଡ ଘେରାଇ ଥିଲେ ତାହା ନଦୀବଢି ସ୍ରୋତରେ ଭାଙ୍ଗି ଗଲାଣି । ଏହି ମୂର୍ତ୍ତିଟି ଏବେ ଠାରୁ ପ୍ରାୟ ୮୦୦ ବର୍ଷ ତଳର କଥା । ଯାହା ପିଢି ପରେ ପିଢି ଦେଖି ଆସୁଛନ୍ତି ଓ ସେହି ସମାନ କଥା ଓ କାହାଣୀ ଶୁଣିବାକୁ ମିଳୁଛି । ସେଠାରେ କୌଣସି ରକ୍ଷଣାବେକ୍ଷଣା ହେଉ ନଥିବାରୁ ଭଗବାନ ବିଷ୍ଣୁଙ୍କ ଅନନ୍ତ ଶୟନ ମୂର୍ତ୍ତିଟି ବର୍ତ୍ତମାନ ଜରାଜୀର୍ଣ୍ଣ ଅବସ୍ଥାରେ ରହିଛି ।
ତେଣୁ ସରକାର ପୀଠର ବିକାଶ ପ୍ରତି ଦୃଷ୍ଟି ଦେବାକୁ ସ୍ଥାନୀୟ ବାସିନ୍ଦା ଦାବି କରିଛନ୍ତି । ସରକାର ଏଥିପ୍ରତି ଧ୍ୟାନ ଦେଲେ ନିଶ୍ଚୟ ସ୍ଥାନୀୟ ଅଞ୍ଚଳ ସହ ଆମ ରାଜ୍ୟର ମଧ୍ୟ ଉନ୍ନତି ଓ ଗୌରବ ହେବ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍କୁ ଲାଇକ କରନ୍ତୁ ।