କରୋନା ମହାମାରୀ ଯୋଗୁଁ ଦୀର୍ଘ ଦିନ ଧରି ବିଦ୍ୟାଳୟ ଗୁଡିକ ବନ୍ଦ ରହିବା ପରେ ବର୍ତ୍ତମାନ କୋଭିଡ କଟକଣା ମଧ୍ୟରେ ସ୍କୁଲ ଗୁଡିକୁ ନବମ ଓ ଦଶମ ଶ୍ରେଣୀଙ୍କ ପାଇଁ ଖୋଲା ଯାଇଛି । ସ୍କୁଲ ଖୋଲିବା ପରେ ଶ୍ରେଣୀ ଗୃହ ପାଠ ପଢା ଖୁବ ଜୋରସୋରରେ ଆରମ୍ଭ ହୋଇ ଯାଇଛି । ତେବେ କୋରାପୁଟରେ ଏକ ବିଦ୍ୟାଳୟରେ ପାଠ ପଢା କେମିତି ଚାଲିଛି ଓ ଛାତ୍ରୀ ମାନେ କେମିତି ପାଠ ପଢୁଛନ୍ତି ତାହା ତଦାରଖ କରିବା ପାଇଁ ଓଡିଶାର ଶିକ୍ଷା ମନ୍ତ୍ରୀ ହଠାତ ଯାଇ ପହଞ୍ଚି ଯାଇଥିଲେ ।
କୁମ୍ଭାର ଯେପରି କଞ୍ଚା ଥିବା ଅବସ୍ଥାରେ ହିଁ ମାଟିକୁ ଇଚ୍ଛା ମୁତବକ ଆକାର ଦେଇ ଗଢିଥାଏ, ସେହିପରି ସ୍କୁଲ ସମୟରୁ ହିଁ ପିଲାଙ୍କୁ ଉଚିତ ଶିକ୍ଷା ପ୍ରାପ୍ତ ହେଲେ ଯାଇ ସେମାନେ ଭବିଷ୍ୟତରେ ସଫଳ ବ୍ୟକ୍ତି ଭାବେ ନିଜକୁ ପ୍ରତିଷ୍ଠିତ କରିପାରିବେ । ସେଥିପାଇଁ ସମୟ ସମୟରେ ପିଲାଙ୍କ ଶିକ୍ଷାବସ୍ଥାର ଯାଞ୍ଚ କରିବା ଓ ସେମାନଙ୍କୁ ଆବଶ୍ଯକୀୟ ସମସ୍ତ ଶିକ୍ଷା ଦେବା ନିହାତି ଆବଶ୍ୟକ ଅଟେ ।
ତେବେ ଆମ ଶିକ୍ଷା ମନ୍ତ୍ରୀ ବୋଧହୁଏ ଏହି କଥା ବେଶ ଭଲ ଭାବେ ବୁଝିଛନ୍ତି । ସେଥିପାଇଁ ସରପ୍ରାଇଜ ଭାବେ ଯାଇ ପହଞ୍ଚି ଥିଲେ କୋରାପୁଟ ସରକାରୀ ବାଳିକା ଉଚ୍ଚ ବିଦ୍ୟାଳୟରେ । ପିଲାଙ୍କୁ କିପରି ପାଠପଢା ଯାଉଛି ତାହା ତଦାରଖ କରିବା ପାଇଁ ସେ ଛାତ୍ର ହୋଇ ମଧ୍ୟ ବସିଥିଲେ ଓ ଶିକ୍ଷୟତ୍ରୀଙ୍କୁ ପ୍ରଶ୍ନ ମଧ୍ୟ ପଚାରିଥିଲେ ।
ଏହାସହ ଶିକ୍ଷକ ହୋଇ ଛାତ୍ରୀ ମାନଙ୍କୁ ମଧ୍ୟ ଶିକ୍ଷା ଦେଇଥିଲେ ଓ ଶିକ୍ଷୟତ୍ରୀଙ୍କୁ ସାହାଯ୍ୟ ମଧ୍ୟ କରିଥିଲେ ପିଲାଙ୍କୁ ସରଳ ଭାବେ ବୁଝାଇ ଦେବାରେ । ଛାତ୍ରୀ ମାନଙ୍କୁ ମନ ଲଗାଇ ପାଠ ପଢିବାକୁ ଉତ୍ସାହିତ କରିବା ସହ ଅଧିକ ନମ୍ବର ରଖିଥିବା ଛାତ୍ରୀଙ୍କୁ ତାଙ୍କ ତରଫରୁ ଏକ ଛୋଟ ଗିଫ୍ଟ ମଧ୍ୟ ପ୍ରଦାନ କରିବେ ବୋଲି ସେ ଛାତ୍ରୀ ମାନଙ୍କୁ କଥା ମଧ୍ୟ ଦେଇଛନ୍ତି ।
ଏହାସହ ବହି କିଣିବାକୁ ଅକ୍ଷମ ଥିବା ଛାତ୍ରୀଙ୍କୁ ମଧ୍ୟ କିପରି ସୁଲଭ ଦରରେ ବହି ମିଳିବ ସେ ନେଇ ମଧ୍ୟ ଛାତ୍ରୀ ମାନଙ୍କୁ ବୁଝିଅ ଦେଇଥିଲେ ଶିକ୍ଷା ମନ୍ତ୍ରୀ । ଏଥିରେ ଆପଣଙ୍କ ମତାମତ ଆମକୁ କମେନ୍ଟ କରିବେ, ଏହା ସହିତ ଆପଣଙ୍କୁ ଆମ ପୋଷ୍ଟ ଭଲ ଲାଗିଥିଲେ ସେୟାର କରିବାକୁ ଭୁଲିବେନି ଓ ଏହିପରି ଅପଡେଟ ପାଇବା ପାଇଁ ଆମ ପେଜ୍ କୁ ଲାଇକ ମଧ୍ୟ କରନ୍ତୁ ।