ଠାକୁର ପୂଜାରେ ବ୍ୟବହୃତ ହେଉଥିବା ମନ୍ଦାର ଫୁଲ ଏବଂ ଏହାର ପତ୍ର ଏକ ଚମତ୍କାରୀ ଆୟୁର୍ବେଦିକ ଔଷଧ ଅଟେ । ଯାହା କେଶ ପାଚିବା ଓ ଝଡିବା, ଏନିମିଆ ବା ରକ୍ତ ଅଭାବ, ଆଣ୍ଠୁଗଣ୍ଠି ଯନ୍ତ୍ରଣା, ଅର୍ଶ, କୋଲେଷ୍ଟ୍ରୋଲ, ଡାଇବେଟିସ, ବ୍ଲଡ଼ ପ୍ରେସର ଏବଂ କିଡନୀ ଷ୍ଟୋନ ଭଳି ସମସ୍ଯାକୁ ମଧ୍ୟ ଭଲ କରିବାରେ ସାହାଯ୍ୟ କରିଥାଏ । ସ୍ମରଣ ଶକ୍ତି ବୃଦ୍ଧି କରିବା ପାଇଁ ମଧ୍ୟ ଏହି ବନସ୍ପତି ବହୁ ଲାଭଦାୟକ ଅଟେ । ତେବେ ଚାଲନ୍ତୁ ଜାଣିବା ମନ୍ଦାର ଗଛର ଉପକାରିତା ।
ଆପଣ ଯେକୌଣସି ରଙ୍ଗର ମନ୍ଦାର ବ୍ୟବହାର କରିପାରିବେ, କିନ୍ତୁ ଲାଲ ରଙ୍ଗର ମନ୍ଦାର ସବୁଠୁ ଅଧିକ ଔଷଧୀୟ ଗୁଣରେ ପରିପୂର୍ଣ୍ଣ ଥାଏ । ପ୍ରଥମେ ଆପଣ କିଛି ପତ୍ର ଏବଂ ଫୁଲ ତୋଳି ଆଣନ୍ତୁ ଓ ଏହାକୁ ସଫା ପାଣିରେ ଭଲ ଭାବେ ଧୋଇ ଦିଅନ୍ତୁ । ଅନେକ ସମୟରେ ପାଟି ଭିତରେ ଇନଫେକ୍ସନ ହୋଇ ଧଳା ଧଳା ହୋଇ ଶିଥୁଳିଆ ଉଠେ । ଏପରି ହୋଇଥିଲେ ମନ୍ଦାର ପତ୍ରର ପ୍ରୟୋଗ ଦ୍ଵାରା ଶିଥୁଳିଆ ଦୁଇ ଦିନରେ ଠିକ ହୋଇଯାଏ ।
ମନ୍ଦାର ପତ୍ରକୁ ହେମଦସ୍ତାରେ ଛେଚି ଏହାର ପେଷ୍ଟ ବନାନ୍ତୁ । ଆପଣ ଏହାର ପେଷ୍ଟ ଏବଂ ରସ ଉଭୟକୁ ବ୍ୟବହାର କରିପାରିବେ । ମନ୍ଦାର ପତ୍ର ପେଷ୍ଟକୁ ଆପଣ ସିଧା ନିଜ କେଶରେ ଲଗାଇ ପାରିବେ କିମ୍ବା ଏହି ପେଷ୍ଟରେ ନଡିଆ ତେଲ ମିଶାଇ ପ୍ରୟୋଗ କରିପାରିବେ । ଏହି ପେଷ୍ଟକୁ କେଶରେ ଲଗାଇ ୨-୩ ଘଣ୍ଟା ଯାଏଁ ସେହିପରି ଛାଡି ଦିଅନ୍ତୁ ।
ସପ୍ତାହରେ ୨-୩ରୁ ଏଭଳି କରିବା ଦ୍ଵାରା କେଶ ଝଡିବା ବନ୍ଦ ହେବା ସହ କେଶ ପାଚିବା ମଧ୍ୟ ବନ୍ଦ ହୋଇଯିବ । ଏହାଛଡା ଯଦି ପେଟରେ ଅତ୍ୟଧିକ ଯନ୍ତ୍ରଣା ହେଉଛି ତେବେ ୫-୭ମିଳି ମନ୍ଦାର ରସ ପିଇବା ଦ୍ଵାରା ପେଟବ୍ଯଥା ଭଳି ସମସ୍ଯା ଭଲ ହୋଇଥାଏ । ଯଦି ଜଏଣ୍ଟ ପେନ୍ ଭଳି ସମସ୍ଯା ରହିଛି ତେବେ ଏହାର ଫୁଲକୁ ବାଟି ପେଷ୍ଟ ବନାନ୍ତୁ ଓ ଜଏଣ୍ଟ ପେନ୍ ହେଉଥିବା ସ୍ଥାନରେ ଲେପ ଦିଅନ୍ତୁ ।
ଦେଖିବେ ଆଣ୍ଠୁଗଣ୍ଠି ଯନ୍ତ୍ରଣା ଭଲ ହେବାସହ ଫୁଲା ମଧ୍ୟ କମିଯିବ । ସେହିପରି ମନ୍ଦାର ଫୁଲର କାଢା ବନେଇ ସେବନ କରିବା ଦ୍ଵାରା ଥଣ୍ଡା, କଫ ଓ କାଶରୁ ବହୁଶୀଘ୍ର ଫାଇଦା ମିଳିଥାଏ । ଯଦି ଆପଣଙ୍କ ଶରୀରରେ ରକ୍ତର ଅଭାବ ରହିଛି ତେବେ ଏକ ଗ୍ଳାସ କ୍ଷୀର ସହ ମନ୍ଦାର ଫୁଲର ଚୂର୍ଣ୍ଣ ମିଶାଇ ଯଦି ସକାଳେ ଏବଂ ସନ୍ଧ୍ୟାରେ ସେବନ କରିବେ ତେବେ ଏହି ସମସ୍ଯା ମଧ୍ୟ ଭଲ ହେବ ।
ଆପଣ ମନ୍ଦାର ଫୁଲକୁ ଶୁଖାଇ ଏହାର ଚୂର୍ଣ୍ଣ ପ୍ରସ୍ତୁତ କରିପାରିବେ କିମ୍ବା ସିଧାସଳଖ ମାର୍କେଟରୁ ଏହା କିଣିପାରିବେ । ସେହିପରି ଅର୍ଶ ସମସ୍ଯା ଥିଲେ ମନ୍ଦାର କଢକୁ ନେଇ ଘିଅରେ ଭାଜନ୍ତୁ ଏବଂ ସେଥିରେ ମିଶ୍ରି ଓ କେଶର ମିଶାଇ ସେବନ କରନ୍ତୁ । ଦେଖିବେ ଅର୍ଶ ଭଳି ସମସ୍ଯା ସଂପୂର୍ଣ୍ଣ ଭଲ ହୋଇଯିବ ।
ମନ୍ଦାର ଫୁଲରେ ଚାହା ପ୍ରସ୍ତୁତ କରି ପିଇବା ଦ୍ଵାରା ଡାଇବେଟିସ, ବ୍ଲଡ଼ ପ୍ରେସର ଏବଂ କିଡନୀ ଷ୍ଟୋନ ଭଳି ସମସ୍ଯା ଭଲ ହୋଇଥାଏ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।