ଗାଁ ଲୋକଙ୍କୁ ଗ୍ରୁପ ମାଧ୍ୟମରେ ଟଙ୍କା ଋଣ ଦେବେ କହି କୋଟି କୋଟି ଟଙ୍କା ଧରି ଫେରାର ହୋଇ ଯାଇଛନ୍ତି ଗ୍ରୁପ ଲିଡର । ମହିଳା ସଂଘର ଅପାଠୁଆ ଲୋକଙ୍କ ସରଳତାର ସୁଯୋଗ ନେଇ ଗ୍ରୁପ ଲିଡର ଲକ୍ଷ୍ମୀପ୍ରିୟା ମହାନ୍ତି ସମସ୍ତଙ୍କ ନାଁରେ ଆସିଥିବା ଟଙ୍କାତକ ଧରି ଫେରାର ହୋଇ ଯାଇଛନ୍ତି । କାହାର 4 ଲକ୍ଷ ତ କାହାର 5 ଲକ୍ଷ ଏମିତି ଗୋଟିଏ ସାହିରୁ କେବଳ 50 ଲକ୍ଷ ଟଙ୍କା ଲେଖାଏଁ ନେଇ ଉଭାନ ହୋଇ ଯାଇଛନ୍ତି ଗ୍ରୁପ ଲିଡର । ଯାହାର ବିରୋଧ କରି ଏବେ ସାମ୍ନାକୁ ଆସିଛନ୍ତି ଗ୍ରାମବାସୀ ।
ଗାଁ ବିଭିନ୍ନ ସାହିରେ ଥିବା ଗ୍ରୁପକୁ ଆସିଥିବା ପ୍ରାୟ 2 କୋଟିରୁ ଉର୍ଦ୍ଧ୍ଵ ଟଙ୍କା ନେଇ ସେ ଫେରାର ହୋଇ ଯାଇଥିବା ଅଭିଯୋଗ ଆଣିଛନ୍ତି ଗ୍ରାମବାସୀ । ଆଶୀର୍ବାଦ ଫାଇନାନ୍ସ, ବନ୍ଧନ ଓ ଜନଲକ୍ଷ୍ମୀ ଏଭଳି ଅନେକ ସଂସ୍ଥାରୁ ବିଭିନ୍ନ ଗ୍ରୁପ ପାଇଁ ଆସିଥିବା ଟଙ୍କା ସେ ଲୋକଙ୍କୁ ଠକି ନେଇ ଯାଇଛନ୍ତି । ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ନୟାଗଡ ଜିଲ୍ଲା ଇଟାମାଟି ଥାନା ଅନ୍ତର୍ଗତ ଶରଧାପୁର ଗ୍ରାମରେ ।
ମହିଳାମାନେ ଆଣିଥିବା ଅଭିଯୋଗ ମୁତାବିକ ଲକ୍ଷ୍ମୀପ୍ରିୟା ମହାନ୍ତି ତାଙ୍କ ସ୍ଵାମୀ ପ୍ରଫୁଲ୍ଲ କୁମାର ସାହୁ ଉଭୟ ଲୋକଙ୍କୁ ଋଣ ଯୋଗାଇ ଦେବେ କହି ମହିଳା ମାନଙ୍କୁ ନେଇ ବିଭିନ୍ନ ଗ୍ରୁପ ସବୁ ଗଢିଥିଲେ । ଗ୍ରୁପ ହେବା ପରେ ସମସ୍ତେ ନିଜ ନିଜ କାଗଜପତ୍ର ଦେଇ ଋଣ ପାଇଁ ଆବେଦନ କରିଥିଲେ । ଲକ୍ଷ୍ମୀପ୍ରିୟା ସେମାନଙ୍କ ଟିପ ଚିହ୍ନ ଓ ଡକ୍ୟୁମେଣ୍ଟ ସବୁ ନେଇଥିଲେ ।
ଆଉ ସମସ୍ତଙ୍କ ପାଇଁ ଏକ ମିନି ବ୍ଯାଙ୍କ ମଧ୍ୟ ଖୋଲିଥିଲେ । ହେଲେ ଟଙ୍କା ଆସିବା ପରେ କାହାକୁ କିଛି ନ ଜଣାଇ ନିଜେ ସବୁ ହଡପ କରି କୁଆଡେ ଫେରାର ହୋଇ ଯାଇଛନ୍ତି । ଆଉ ଏବେ କିସ୍ତି ଟଙ୍କା ପାଇଁ ଲୋକଙ୍କ ଘରେ ଘରେ ପଶି ସେମାନଙ୍କୁ ଦୁର୍ବ୍ୟବହାର କରୁଛନ୍ତି ଆଉ ଜଣେ । ସାର ଜଣକ ଲୋକଙ୍କ ଘରକୁ ଜବରଦସ୍ତ ପଶି କିସ୍ତି ଟଙ୍କା ଦେବାକୁ ବାଧ୍ୟ କରୁଛନ୍ତି ।
ହେଲେ ସେମାନେ କୌଣସି ଟଙ୍କା ପାଇ ନାହାନ୍ତି ଏବଂ ଗରିବ ଲୋକମାନେ କେଉଁଠୁ ଟଙ୍କା ଆଣିକି ଦେବେ କହି ଏହାର ତଦନ୍ତ ହେବାକୁ ଅନୁରୋଧ କରିଛନ୍ତି । ତଦନ୍ତ କରିବା ସହ ଅଭିଯୁକ୍ତଙ୍କୁ ଉପଯୁକ୍ତ ଦଣ୍ଡ ଦିଆଯାଉ ବୋଲି ଦାବି କରିଛନ୍ତି ମହିଳା ସଂଘର ସଦସ୍ୟମାନେ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।